מועצה מקומית מג'דל שמס المجلس المحلي مجدل شمس
مقالات مشابهة
لأهل هلي بيفكرو انو اذا بشتري لابني تركتورون او دراجة نارية عشان يبطل ينق او عشان نكافئو على شي إنجاز عملو ،،،، هذا الشي بيكفيش،،، لازم نفهمو انو السرعة هي شي خطير جداً وانو التركتورون والدراجة النارية مش للتزييح والتشفيط والازعاجات لساعات متأخرة ،،،، يا جماعة في ناس يأست وهي تسمع صوت التشفيط وقلة الهيبة ،،، هذا ناهيكم عن خطورة هالشي لما يصير وهي البلد ملياني ولاد صغار عبيتمشو مع رفقاتون وسوّاح عبيقضو عأساس أوقات حلوة بمجدل شمس . طبعاً نحنا كأهل ماحدا منا بيحب انو يجيه اتصال انو ابنك دعسو تركتورون او دراجة نارية وصار معو ……… او وضعو …….. او لا سمح الله ………. .
وأكيد ماحدا من الأهل هلي مشتريين لولادون تركتورون او دراجة نارية بيحب انو ينحط بموقف مُحرج ومؤلم ويجيه اتصال انو أبنو داعس ولد او عمل حادث وصايبو شي . عشان هيك… انتو الأهل بتوجه الكون بكل محبه وبكل رجاء ومن دافع قلق كبير كثير ومن دافع خوفي الكبير من انو تصير شي مصيبة وساعتها بيصير الندم شغلة مش نافعه ،،، انتو الحل ،، توجهو لولادكون اسا واليوم قبل بكرا،، ولادكون عبيشكلو خطر كبير عحالهون وخطر اكبر عولاد الناس ،، وإزعاج اكبر واكبر للناس هلي بتتمنى تنام شي يوم بدون ضجة وتزييح وتشفيط ،، كل هذا الشي عبيصير وانتو نايمين . كيف بتغمض عينكون وولادكون دايريين بالتركتورون وبغيرو ونازلين تحشيك وتشفيط لساعات متاخري ؟؟ تاركين الموضوع للحظ؟؟؟
اليوم يا أحبائي ، اليوم قبل بكرا وقبل ما ساعة الغفلة تحطكون براسها، ساعتها مئات العقال مش رح يقدرو يشيلو الحجر من البير . اليوم لازم نقعود مع ولادنا قبل ما تصير قعدتنا معهون أمنية صعب تحقيقها .
بترجاكون ،،، ساعدونا عشان نساعدهون
